कुनै व्यक्तिले साइकलबाट विश्वको भ्रमण गरेको कुरा हामी सबैले सुनका छौँ र नेपालीले समेत यस्तो साहसिक काम गर्न भ्याएका छौँ । तर क्यानडाका एक व्यक्तिले भने हिँडेरै पृथ्वीको चक्कर लगाएका छन् ।
५६ वर्षका जीन बेलिव्यूले ११ वर्षमा पैदल हिँडेर पृथ्वीको परिक्रमा गरेको दाबी गरेका छन् । आफ्नो ४५ औँ जन्मदिनको अवसरमा सन् २००० बाट पृथ्वीको पैदल यात्रा सुरु गरेका जीनले हालै परिक्रमा पूरा गरेका हुन् ।
जीनले पृथ्वीको परिक्रमाका क्रममा लामो मरुभूमि र अप्ठेरा पहाड पनि पार गर्नुपर्यो । मेक्सिकोमा जीनको एक युवतीसाग प्रेम समेत बस्यो । सूडानमा हुँदा उनले दाह्री पाले र पगरी समेत पहिरिए । अझ रोचक कुरा त के भने चीनमा हुँदा उनले आफुसँग खानको लागि खाना नभएपछि सर्प समेत खाएका थिए ।
फिलिपिन्समा जीनले गुरिल्ला विद्रोहीसँग जोगिनका लागि सैनिक सुरक्षामा सीमा पार गरेका थिए । स्मरण रहोस् जीनको पृथ्वी भ्रमणको पूरै खर्च उनकी गर्लफ्रेन्डले उठाएकी छिन् । विश्व शान्तिका लागि पृथ्वीको चक्कर लगाएको उनको दाबी छ ।
सन् १९४२ को जुन ७ तारिखमा जन्मिएका गद्दाफी १८ बर्षको उमेरमा नै सेनामा भर्ति भएका थिए । आफूलाई मिश्रका जमाल अब्दुल नासिकका शिष्य बताउने गद्धाफी लिबियाली राजा इदि्रस उपचारका लागि टर्की गएको बेला सानो सैनिक समूहको मदता रक्तपात बिहीन सत्ता कब्जा गर्दै सन् १९६९ मा सत्तामा पुगेका थिए । सत्तामा आउँदा उनको उमेर मात्र २७ बर्षको थियो । सत्तामा पुगेसँगै आफूलाई कर्नेल घोषणा गरेका गद्धाफीले आर्थिक विकास गरे । उनले लिबियाका तेल उत्खननमा संलग्न विदेशी कम्पनीहरुको सम्झौतालाई पुनरावलोकन गरे । जुन सम्झौताले लिबियालाई भन्दा तेल उत्खननमा संलग्न कम्पनीहरुले धेरै कमाई गरेको थियो । सम्झौतालाई पुनरावलोकनसँग लिबियाले विकासमा फड्को मारेको थियो । गद्धाफीको यो कार्यशैलीलाई अन्य अरब मुलुकहरुले समेत अनुशरण गरेका थिए । गद्धाफीकै नेतृत्वमा मानव निर्तिम नदी बनाएर लिबियाको उत्तरी सुख्ख क्षेत्रमा पानी पुर्याइएको थियो ।
